«Золотое кольцо» ансамбли «Уральские авиалинии» рейсида чиқиш қилди

19 октябрда Москвадан Екатеринбургга «Уральские авиалинии» U6-269 рейсида «Золотое кольцо» ансамблининг концерти бўлиб ўтди. Парвоз вақтида 23 нафар артист машҳур қўшиқларни ижро этди, йўловчилар эса ўз жойларидан ҳамроҳлик қилишди. Жамоа Урал пойтахтига ўз концерти учун йўл олган эди.

Караоке бошланишини катта бортпроводник эълон қилди. Йўловчиларга қоғоз кокошниклар тарқатилиб, артистлар билан бирга қўшиқ айтиш таклиф этилди. Салонда «Течёт ручей», «Широка река» ва «Плывёт веночек» қўшиқлари янгради. 

«Биз учун бу самолёт бортидаги биринчи чиқиш. Одатда биз саҳнада чиқамиз, бу ерда эса 10 000 метр баландликда йўловчилар олдида қўшиқ айтдик. Одамлар „Золотое кольцо“ ва Надежда Кадышева ижодини билиши ва яхши кўришини кўриш ёқимли», — деб қайд этди ансамбль артисти Дмитрий Иванов.

«Уральские авиалинии» Надежда ва Григорий Кадышевлар ҳамда «Золотое кольцо» ансамблининг 20 октябрда Екатеринбургда бўлиб ўтадиган концертининг ҳамкори бўлди. Концерт зали фойесида томошабинларни авиакомпаниянинг тадбирлари кутиб олади.

Эслатиб ўтамиз, октябр бошида авиакомпания Екатеринбургда Россия ва Намибия терма жамоаларининг ўртоқлик учрашувини қўллаб-қувватлаган эди. Учрашув вақтида мухлислар ўртасида Россия бўйлаб парвозларга сертификатлар ўйинга қўйилди.